• EUR  
  • USD  
  • RUB

İDMAN

“Qəbələ” qalib gəlib, “Neftçi” xal itirib - VİDEO

  • 225 dəfə
  • Tarix 14 Aprel 2019 / 22:35
  • Lent.az
 
Topaz Premyer Liqasında XXIV tura yekun vurulub.
 
ONA-nın məlumatına görə, turun sonuncu oyun günündə 2 qarşılaşma keçirilib.
 
“ASK Arena”da “Keşlə” “Qəbələ”ni qəbul edib. Üç topun vurulduğu görüşdəki bütün qollar ikinci hissədə qeydə alınıb. Matç meydan sahiblərinin üstünlüyü ilə keçsə də, qonaqlar qalib gəlib. 
İlk “üçlük”də qərarlaşan “Neftçi” və “Səbail” sonuncuların meydanında görüşüb. Bu qarşılaşmada da bütün toplar ikinci hissədə vurulub. 50-ci dəqiqədə meydan sahiblərinin qapısına yol tapan Mirabdulla Abbasovun qolu “ağ-qaralar”ı önə çıxarıb. Lakin “Səbail” iki qola imza ataraq oyunda dönüş yaratmağa müvəffəq olub. “Neftçi” yalnız son saniyələrdə məğlubiyyətdən qaçıb. Bu nəticə “Qarabağ”ın turu vahid lider kimi başa vurmasına şərait yaradıb.
 
Qeyd edək ki, turun ilk günündə “Qarabağ” “Sabah”ı 3:0, “Zirə” “Sumqayıt”ı 2:0 hesabı ilə məğlub edib.
 
Topaz Premyer Liqası
XXIV tur
14 aprel (bazar)
 
“Keşlə” – “Qəbələ” – 1:2
Qollar: Con Kamara, 76 // Ceyms Adeniyi, 46; Davit Volkov, 65
Hakimlər: Vüqar Həsənli, Mübariz Haşımov, Cəmil Quliyev, Rövşən Rəcəbov
Hakim-inspektor: Ramil Diniyev
AFFA nümayəndəsi: İlham Əliyev
“ASK Arena”, 15:00
 
“Səbail” – “Neftçi” – 2:2
Qollar: Ədilxan Qaraəhmədov, 80, Ağabala Ramazanov, 85 // Mirabdulla Abbasov, 50, Mamadu Mbodj, 90+6
Hakimlər: Səbuhi Bayramov, Knyaz Əmiraslanov, Nahid Əliyev, Kamal Umudlu
Hakim-inspektor: Rövşən Əhmədov
AFFA nümayəndəsi: Nihad Məmmədov
“Bayıl Arena”, 18:00