426
20:47
18 Aprel 2019

İş yerində yarım kiloqram narkotik saxlayırmış

İsmayıllı rayonunda narkotik vasitə olan marixuananın qanunsuz saxlanılması və satışı ilə məşğul olan şəxs tutulub.
ONA -nın yerli bürosunun xəbərinə görə, İsmayıllı rayon Polis Şöbəsinin əməkdaşları tərəfindən keçirilən əməliyyat-axtarış tədbirləri zamanı İsmayıllı şəhəri, Cavanşir küçəsi ev 7 ünvanında yaşayan Məmmədov Ramiz Şəmi oğlu narkotik vasitələrin qanunsuz dövriyyəsində şübhəli bilindiyi üçün saxlanılıb.
Ramiz Məmmədovun üzərində şəxsi axtarış zamanı 2 ədəd kibrit qutusunda saxladığı təmiz çəkiləri-1,43 qram və 4,18 qram qurudulmuş marixuana, eləcə də həmin gün saat 19:00 radələrində Ramiz Məmmədovun evinin qarşısındakı ona məxsus avtomobil təmiri sexinə baxış zamanı oradan karton qutunun içərisində 1 ədəd ağ rəngli sellofan torbada saxladığı təmiz çəkisi 470,00 qram olan qurudulmuş marixuana aşkar edilərək götürülüb.
Faktla bağlı İsmayıllı rayon Polis Şöbəsi tərəfindən araşdırma aparılır.